Қории ҷавони мисрӣ: мадеҳахонӣ аз шоҳкорҳои ҳунари исломӣ аст + филм
Ба гузориши манобеи хабарӣ, Ториқ Ан-Намрутӣ, мутаваллиди рустои Азабатун-Намарта дар устони Исмоилия, ки фориғуттаҳсили донишкадаи Усули дини устони Исмоилия аст ва дар синни 13 солагӣ муваффақ шуд ҳифзи Қуръони Каримро ба поён бирасонад.
Ӯ ба далели зебоии савташ дар қироати Қуръони Карим ва мадеҳахонӣ таваҷҷуҳотро ба худ ҷалб кард. Садои хос ва пур эҳсосаш, ки мардумро ба ваҷд меовард дар шаҳрҳо ва рустоҳои минтақа шӯҳрат ёфт ва мардуми рустои зодгоҳаш ба хотири зебоии савти тиловаташ дар моҳи мубораки Рамазон муштоқи хондани намоз дар пушти сари ӯ буданд.
Ин қории мисрии 33 сола фориғуттаҳсили риштаи тафсир ва улуми Қуръони Карим аз донишкадаи Усули дин ва даъвати исломии Ал-Азҳар аст ва аз шаш солагӣ ҳифзи Қуръони Каримро зери назари асотиди худ оғоз кард.
Вай мегӯяд: аз даврони кӯдакӣ ба радио Қуръон гӯш медодам то аз он биёмӯзам ва аз савтҳои дилнишини асотиде чун шайх Ал-Ҳусарӣ, Минишовӣ, Абдулбосит Абдуссамад, Муҳаммад Раъфат ва Мустафо Исмоил лаззат мебурдам. Аз шаш солагӣ ҳифзи Қуръони Каримро шурӯъ кардам ва дар сездаҳсолагӣ ҳифз ба ривояти Ҳафс аз Осимро ба поён расондам.
Ториқ Ан-Намрутӣ бо ишора ба инки модараш пас аз фавти падараш дар синни ҳафт солагӣ вазифаи пайгирии такмили ҳифзи Қуръони Карими ӯро бар ӯҳда гирифт хотирнишон кард: оризуи падарам ин буд, ки ман дар Ал-Азҳар, устод шавам ва модарам ҳамаи зиндагии худро сарфи ман ва бародаронам кард то инки насле шудем, ки пир ва ҷавони рустоямон метавонист аз он улгубардорӣ кунад.
Вай бо таъкид бар инки дар қироати Қуръон ва ҳамчунин дар мадеҳахонии динӣ сабки хосси худро дорад ва аз ҳеҷ устоде тақлид намекунад гуфт: мадеҳахонӣ аз шоҳкорҳои ҳунарии исломӣ аст. Мардуми рустои ман ошиқи қироати Қуръон ва мадҳ ва санои Расули Акрам (с) ва муноҷотхонӣ ба вижа дар моҳҳои Шаъбон ва моҳи мубораки Рамазон ҳастанд ва бузургони зиёде дар ин замина дар рустои мо вуҷуд доранд.
Ториқ Ан-Намрутӣ идома дод: ҳифзи Қуръони Каримро бо қироати Ҳафс аз Осим омӯхтам, зеро аз кӯдакӣ ҳамеша ба радио Қуръон гӯш медодам то ёд бигирам. Вай бо баёни инки аз 5 сол пеш пахши садои ӯ дар заминаи мадеҳахонӣ дар радио оғоз шуда ва дар риштаи мадеҳахонӣ дар чанд мусобиқа мақоми аввалро касб кардааст, таъкид кард, ки монанди ҳар дӯстдори китоби Худо ошиқи сурудаҳои динӣ аст ва сабки хосси худро дорад ва шефтаи гӯш додан ба Қуръон аст, ки нури дунё ва охират аст.
Дар идома видеое аз тиловати ин ҷавони мисриро мушоҳида мекунед:
